Hyderabad: Zayed Bijli ke Bills par Telangana ke mukhtalif ilaqoun ke bijli sarfeen mein haliya dinoun ke douran barhami dekhi jarahi hai. Bijli ke zayed Bills wusool honay par Medak zila ke Muslapur gaon ke logoun ney Bijli staff ke arkaan ko hi bijli ke pole se bandh kar barhami ka izhaar kiya. Ye bijli mehakma ke Staff Bills wusool karne ke liye puhanche they. Is gaon waloun ney un ko dekhte hi un par barhami ka izhaar kiya aur un ko bijli ke pole se hi bandh diya. Unhoun ney wazeh kardiya ke jab tak is mehakma ke alla ohdedar nahi atay un ko nahi choda jaye ga.
Is waqea ka video Social Media ke mukhtalif Platforms par taizi se viral ho raha hai. Is mauqa par in afraad ne bijli ke zayed bills par ehtijaj bhi kiya. Unhoun ne mutalba kiya ke bijli ki baar baar katoti aur un ke deegar masail fori hal kiye jayen. Unhoun ne shikayat karte huve kaha ke kayi martaba is masla ko uthany ke bawajood is par koi tavajja nahi di gayi. Wo News is masle par jonj rahi hai.