Hyderabad: Train se girnay ke nateeja mein khatoon ki mout hogayi. Ye waqea hafta ki subah Telangana ke zila Khammam ke Bonakallu zone mein waqay Railway Station ke qareeb pesh aaya. Is khatoon jis ki shanakht 49 sala Lalit Kumari ke tour par ki gayi hai, Ka talluq AP ke Tenali se hai, Wo apni beti ke sath Secunderabad. Janey ke liye Golconda Express Train mein sawaar hui taham Bayyaram gaon ke qareeb Motaramrri Railway Station ke qareeb wo haath dhoney ke liye train ke darwazay ke qareeb pohanchi jahan ittifaqi tour par paiir phisal janey ki wajah se wo train se girgaee jis ke nateeja mein is ki mout hogayi. Is ki laash ko postmortem ke liye Madhira sarkari hospital muntaqil kiya gaya.