Hyderabad : Telangana state assembly ne jummay ko assembly session ke dusray din ke mubahisay ke baad municipal bill 2019 paas kiya . speaker Pocharam Srinivas Reddy ne bil ko paas kiya . is bill ke zareya taraqqi ko yaqeeni banaya jayega. aur bad unwaniyoun ki jaanch partaal ki jayegi.
Jummay ki subah 10 bajey assembly house ke aaghaz ke baad wazer-r-aala KCR ne bill ke baaray mein wazahat ki aur arkaan-e-assembly ki janib se is bill par mubahis ke baad usay Manzoor kiya gaya.
Wazeer-e-aala KCR ne bill se mutaliq ahem tajaweez ke liye arkaan ka shukriya ada kiya . CLP leader Mallu bhatti vikrama ke SC, ST ke tahaffuzaat mein behtari ki tajaweez ka jawab dete hue wazeer-e-aala KCR ne kaha ke wo is talluq se ghour karenge.
Congress ki janib se mukhalfat kiye janay par tashweesh ka izhaar karte hue wazeer aala ne kaha kaha ke congress hamesha hukoomat ke Falah wo behbood aur taraqiyati programon ki mukhalfat karti hai.
Unhoun ne kaha ke reyasti hukoomat ki janib se tajweez kardah har baat ki congress party ne mukhalfat ki hai. unhon ne yeh bhi kaha ke congress, inhen ya hukmuran jamaat ko hukum nahi day sakti. –YTN STAFF