Hyderabad: Riyasat Telangana mein shaam 6 bajey se leker shaam 9 bajey ke darmain sadkain bilkul ghair mehfooz ho rahi hain agar is douran sadak haadsat ki tadaad is taraf ishara kar rahay hain aur jo ishara mil raha hai woh tashweesh naak hai jis par hukoomat aur awam dono ko fori tavajja dainay ki zaroorat hai.
National Crime Record Bureau ( NCRB ) ki Hindostan 2017 ke haadsay mein honay wali amwaat aur khodkushyon ki report ke mutabiq riyasat Telangana mein 2019 ke douran shaam 6 bajey se shaam 9 bajey ke darmain 4489 hadsat hue, Is ke baad shaam 3 bajey se shaam 6 bajey ke darmain 4131 aur dopehar se 3 ke darmain 3260 haadsat hue hain. Report mein kaha gaya hai ke 2019 ke douran shaam ke auqaat mein 21570 hadsaat mein majmoi tor par 6964 afraad apni jaanon se haath dho baithy jabkay 21999 afraad zakhmi hue.
Alawa azeen Telangana ke sadar maqam Hyderabad mein, Khatrah Zone shaam 3 bajey se shaam 6 bajey taq hai, Is douran 513 hadsat pesh aaye hain. Traffic ke mahireen ke bamujab haadsat mein aksariyat drivers ki ghalti thi. Shaam mein jaldi se ghar pounchanay ki koshish karte waqt ziyada tar gaadi taizi mein chillatay hain. Ziyada tar drivers ny bazahir gaadi ka qaboo khodia tha aur mukhalif simt se ya doosri gadiyon se takra gaye. Yeh ek nafsiati waqea ho sakta hai kyun ke moter cycle chalanay walay kaam ke baad ghar pounchanay ke liye taiz raftaar gaadi chillatay hain, Unhoun ny mazeed kaha ke sadak ki dono simtoon par traffic ki ravani bhi bohat ziyada hogi hai.
Javaharlal Nehru Technological University ke Center baraye Transportation and Engineering Wing ( Head ) KM Lakshmana Rao ne kaha ke roshni aur chakachond mein farq shaam ko honay walay haadsat ki ek aur wajah ho sakta hai. Roshni ke ilawa chakachond ke farq se Driver moud par theek se nahi dekh paate, Jis ke nateejay mein haadsat hotay hain. Unhoun ne kaha ke masroof maqamat aur Junction ke amdhere maqamat par naqais ke barey mein jan-nay ke liye Road Safety Audit karwaya jana chahiye.