Hyderabad : Riyasat-e-Telangana mein intermediate ki taleem ka bohraan hota dikhayi day raha hai kyunkay Board Of Intermediate Education ne faisla kiya hai ke 3813 khangi colleges ki muslim haesiyat ki tajdeed na karne ka faisla kiya gaya hai kyunkay yeh colleges hukoomat ki janib se muqarrar kardah sharait ki takmeel nahi kar rahay hain.
Riyasat mein mojood 1699 khangi colleges mein hukoomat ne sirf 361 junior colleges ko dobarah Musalmah haesiyat faraham ki hai. Intermediate education board ke secretary ae ashok ne kaha hai ke riyasat mein moujood senkdoun khangi colleges hukoomat ki janib se muqarrar kardah sharait ki takmeel nahi kar rahay hain lehaza is martaba unke khilaaf sakht iqdamaat karte hue unki Musalmah haesiyat ko hi khatam kar diya gaya hai. is ke alawa khangi colleges ke intezamia ko sakht hidaayat di gayi hai ke woh college mein bunyadi zaruriat ki takmeel jis mein physical director, librarian aur zurori makhlua jayedadon par fori bharti karen jis ke liye college intizamia ko teen mah ki muddat faraham ki gayi hai. secretary ne mazeed kaha hai ke jin colleges ke khilaaf sakht karwai ki gayi hai un mein 75 colleges aisay hain jo ke fire safety ke liye banaye janey walay qawaid ki takmeel nahi karte hain. yaad rahay in dinon riyasat Telangana mein intermediate taleem ke mutaliq kayi masail aur tanazeaat samnay aeye hain jin mein khaas kar haliya dinon mein intermediate ke nataij mein dhandli aur nataij mein gadbadh ki wajah se kayi talba ne khudkushi ki thi jabkay darjanon talba ke nataij par asr para tha jo ke ek hungama khaiz waqea tha. is ke alawa shehar hyderabad ke hamrah Telangana ke deegar ahem maqamat par khangi colleges mein asaatezaa ki Adam dasteyabi, infrastructure ka behtar nah hona aur fire safety ke liye mo-asar iqdamaat nah hona aam masail mein shaamil hai n yahi wajah hai ke board of intermediate ne khangi colleges ke khilaaf sakht iqdamaat karte hue hue senkdoun colleges ke Musalmah hesiyat ko khatam kardiya hai.
Ab jabkay intermediate imtehanaat ki advanced supplementary imtehanaat ke nataij jari kar diye gaye hain to imtehanaat mein kamyaab honay walay talba ko kisi qader raahat mili hai lekin doosri janib intermediate mein dakhlay ke khawahish mand talba ke liye mayoosi hai kyunkay riyasat mein senkron khangi colleges ke mustaqbil par sawalia nishaan lag chuka hai aur khangi colleges ke khilaaf kiye janey walay sakht iqdamaat ki wajah se riyasat mein un colleges ka bohraan dikhayi day raha hai. –YTN STAFF