Hyderabad: Telangana mein paiir ko Covid-19 ke naye 983 mamlaat aur 11 amwaat darj ki gayeen. Is terhan riyasat mein corona ke mamlaat ki tadaad 67,660 hogayi hai aur 11 amwaat ke baad riyasat mein is waba se marnay walon ki tadaad ta haal 551 hogayi hai.
Director sahet aama-o-khandani behbood ki janib se jari kardah Bulletin ke mutabiq riyasat mein corona ke jumla mamlaat 67,660 hain. 1019 afraad robah sahet hogaye hain jin ko Telangana ke mukhtalif Hospitals se gharron ko janey ki ijazat day di gayi hai. Is terhan riyasat mein is waba se robah sahet honay walon ki tadaad 48,609 hogayi hai. Is Bulletin ke mutabiq GHMC ilaqa mein 273 mamlaat darj kiye gaye hain aur 73 naye mamlaat Ranga Reddy zila mein darj kiye gaye hain.