Hyderabad: Telangana mein Corona waba ke mamlaat mein taizi dekhi jarahi hai. 6 hafte pehlay ye waba sirf GHMC ilaqa aur is ke atraaf ke azlaa tak mehdood thi taham ab ye azlaa mein bhi phelti jarahi hai. Mehakma sahet ne pehlay hi virus walay 270 Zones ki nishandahi ki hai. Ye ek tashweesh ki baat hai ke Telangana mein Corona ke mamlaat rozana 1800 taa 2000 darj kiye jarahay hain. Azlaa mein ye tadaad 1300 taa 1400 hai. Agar is waba ko is marhala mein hi nahi roka gaya to tashweesh is baat ki hai ke aindah 3 taa 4 hafton mein is ke mamlaat mein izafah ho sakta hai.
Hyderabad mein basa-e-khidmat kayi afraad apne aabadi maqamat ku rawana ho rahay hain taakay corona se baja jasake. Azlaa mein Covid ki jaanch ke marakaz ki tafseel is terhan hai. Adilabad 3, Bhadradri Kottagudem 6, Jagityala 3, Jangaon, 1, Jayashankar Bhupalpally 2, Mulugu 4, Jogulamba Gadwala 2, Kamareddy 8, Karimnagar 4, Khammam 4, Komuram Bhim Asifabad 2, Mahabubabad 3, Manchiryala 4, Medak 4, Medchal 2, Nagar Kurnool 5, Nalgonda 5, Nirmal 4, Nizamabad 10, Peddapalli 4, Sirisilla 1, Rangareddy 8, Sangareddy 6, Siddipet 5, Suryapeta 4, Vikarabad 5, Vanaparthi 3, Warangal Rural 3 , Warangal City 2, Yadadri Bhuvanagiri 4.