Hyderabad: Telangana ki Secretariat ki taqreeban tamam qadeem imaartoun ke inhedam ka kam mukammal hogaya hai. J aur L Blocks ke siwa deegar imaartoun ko munhadim karne ka kaam mukammal hogaya hai. Ohdedaroun nay tawaqqa zahir ki hai ke ye kaam bhi androon ek ya do din mukammal karliya jaye ga. Secretariat ki qadeem emiratein jo kabhi Hyderabad riyasat aur baad azan mutahidda Andhra Pradesh ki taqseem ke baad nazam o wansaq ka markaz huwa karti theen, Mojooda Telangana hukoomat munhadim kar rahi hai jis ka daawa hai ke un qadeem imaartoun mein sahuliyaat ki kami hai. Ye emiratein Nizam Hyderabad ke daur mein taamer ki gayi theen. Hukoomat chahti hai ke un ki jagah asri imaartoun ki taamer amal mein layi jaye aur wazeer e aala ne opposition jamaatoun ke ehtijaj ko nazar andaz karte hue is maqsad ke liye sang bunyaad bhi rakha.