Hyderabad: Telangana ke qasba Hanamkonda mein ek 19 sala ladki ki saalgirah ke mauqa par ismat darri ki gayi aur qatal kar diya gaya. Mutasirah ladki charshube ki subah apne waalidein ko ye keh kar ghar se niklee thi ke wo apni saalgirah ke mauqa par prarthna karne ke liye Mandir ja rahi hai, Jab wo kayi ghantoun tak wapas nahi aayi to is ke walidain ne is se rabita karne ki koshish ki, Lekin is ka mobile phone band tha.
Is se pareshan hokar ladki ke walidain ne police mein ladki ke la patah honay ki report darj kar aya. Police ne fori talashi shuru kar di. Police ki team ko der raat qasbay ke Hunter Road par ladki laash mili. Laash ko Postmortem ke liye Warangal ke MGM Hospital muntaqil kardiya gaya.
Police ko shuba hai ke ladki ke sath zayad-ti ki gayi aur usay qatal kar diya gaya. Police is qatal ka suraagh laganay ke liye sargaram hai, Aur mutasirah ladki ke call data aur CCTV footage ka bhi tajzia kiya ja raha hai. –YTN STAFF