Karim Nagar: Telangana ke wazeer Information Technology ke KT Rama Rao ney towseeq ki hai ke mulk ki 29 we riyasat Telangana, IT ke shoba mein doosri badi riyasat ban gayi hai. Unhoun ney Karim Nagar zila mein 34 Crore rupey ke sarfah se taamer kardah IT Hub ka iftitah kiya. Is mauqa par unhoun ney IT Tower ke liye muntakhib companiyoun ko Certificate hawalay kiye.
Unhoun ne is mauqa par munaqidah taqreeb se khitaab karte hue kaha kay jab Telangana riyasat ki tashkeel amal mein layi gayi thi is waqt logoun ke diloun mein IT ke shoba ki taraqqi par kayi shukook o washobahat they. Is baat ki yaad dehani kerwatay hue ke is waqt IT ki baraamdaat kaafi kam theen, Unhoun ne kaha ”Ham ne 5 saal mein is mein dugna izafah ka nishana rakha aur ab IT ki baraamdaat 1.28 lakh Crore rupey tak japohnchi hain“.
Unhoun ne is yaqeen ka izhaar kiya ke IT ka taaruf batadreej badal raha hai. Wazeer mosoof ne IT ko Intelligent Technology se tabeer kiya. Unhoun ne kaha ke Telangana, Corona ki rokk thaam mein ahem rule ada karra ha hai. Hum Artificial Intelligent ( masnoi zahanat ) se istifada ke zareya un logoun ka pata chalanay mein kamyaab hogaye hain jinhoun ne Mask nahi phena hai. Unhoun ne kaha kay masabaqti duniya mein nai mahaarat aur taknik ko seekhnay ki zaroorat hai.