Hyderabad : Telangana se taluq rakhnay wala 23 sala taalib-e-ilm jo pichle hafta Bartania mein laapata hogaya tha. tafseelaat ke mutabiq Ujwal Sriharsha, jo riyasat Telangana ke khamam zila se talluq rakhta hai.
Woh London ki queen Queen Mary University mein MS ki taleem haasil kar raha 22 August ko lapatah hogaya. iske waalid Uday Pratap jo BJP ke zila Khamam unit ke sadar hain, London janay ka iradah rakhtay hain.
Sriharsha, jo hyderabad ke BITS Pilani se Graduation kar chuka hai, pichlle saal London gaya tha. woh har roz apne walidain se phone par baat karta, aakhri baar 21 August ko apni walida se baat ki thi. aur aglay hi din jab walidain ne is se rabita karne ki koshish ki to koi jawab nahi mila. London police ne baad mein inhen ittila di ke unka beta laa pata hai.
Police ko shoba hai ke isne shayad khud kushi ki hai, lekin kumba ke log is par yaqeen karne ko tayyar nahi hain. kyunkay iske is intahi iqdaam ki koi wajah mojood nahi hai. BJP rehnuma ne markazi wazeer mumlikat baraye dakhla G.kishan reddy se appeal ki hai ke woh wizarat kharja se zurori madad faraham karen. –YTN STAFF