Hyderabad. Itwaar ki shaam Secunderabad Railway Station par Telangana Express train mein safar karne walay 8 kam umar Muslim bachon ko rok liya gaya jin ke baaray mein yeh samgha gaya ke inhen zabardasti kahin le jaya ja raha hai. Secunderabad Railway Police ne mehsoos kya ke yeh bachay mushtaba haalat mein safar kar rahay hain jin ke sath aik aadmi safar kar raha tha. Police ne un bachon ko rok kar mazeed tahaqeeq ke liye mehakma behbood atfaal ke hawala kardiya. Police ne bataya ke yeh bachay Uttarpradesh ke Rampur se yahan laaye gay thay jin ke sath aik aadmi safar kar raha thajs ka naam Ahmed hai. is shakhs ne police ko bataya ke woh un bachon ko Gulshan colony, Hyderabad mein waqay aik deeni madrassa mein shareek karwanay un ke walidain ki marzi se yahan laya tha. Police ne is shakhs ke bayan par yaqeen na karte hue mazeed tahaqeeq ke liye mehakma bahbodi e atfaal ke ohdedaron ke hawala kardiya. yahan yeh baat qabil e ghaur hai ke Telangana khaas kar Hyderabad mein qaim dainee madaris mein muqami bachon ki adam dasteyabi ke baayis shumali hind ki reyaston se talluq rakhnay walay bachon ko yahan lakar madarson mein parhaya ja raha hai.