Hyderabad : Telangana pradesh congress committee ( TPCC ) mehakma aqliati ke Chairman Sheikh Abdullah Sohail ne RTC hadhtal par AIMIM ki khamoshi par sawal uthaya hai.
Unhon ne kaha ke ”ye haerat ki baat hai ke AIMIM ke sadar Asaduddin owaisi, jo hyderabad ke rukan-e-parliment bhi hain, unhon ne RTC ki hadhtaal ki wajah se awam ko darpaish mushkilaat, wazeer-e-aala KCR ki janib se ghair qanooni tor par 48,000 hazaar se zayed mulazmeen ko Bar-taraf karne ke hukum par bhi kuch nahi kaha hai.
Sohail ne media numaindon se baat karte hue kaha ke ”Asad owaisi duniya mein honay wali har cheez ke baray mein tweet karte hain, aur jab hyderabad ke awam ke masail ko uthane ki baat aati hai to unke khayalat aur unki ungelian wazeh tor par maflooj hojati hain“ .
Abdullah Sohail ne mazeed kaha ke ”AIMIM ke rehnumao ko KCR ke, RTC mulazmeen ko Bar-khast karne ke ghair qanooni iqdaam ki mazammat karne ya un aam logon ke haq mein baat karne ki koi himmat nahi hai, jo niji buses aur aamad waraft ke deegar zaraye apna rahay hain aur izafi muawza ada karne par majaboor hain“.
Sohail ne kaha ke ”AIMIM rehnuma har baar hyderabad ke logon ki munasib numaindagi karne mein nakaam rahay heen, lekin woh phir bhi woh apne aap ko qaumi party kehte hain. aur Maharashtra assembly intikhabaat mein nishistain jeetnay ki khwahish rakhtay hain, Owaisi ko pehlay hyderabad ke rukan parliment ki haesiyat se apni zimmedariyon ko nibhana chahiye aur baad mein qaumi rehnuma ban’nay ka khawab dekhna chahiye “. –YTN STAFF