Hyderabad : Telangana assembly ke Speaker Pocharam Srinivas Reddy ney aewan mein behas wo mubahisay ke baad aewaan ki janib se 1.46 crore rupay ke mukhtas bill ki manzoori ke baad aewaan ko multawi kar diya.
Speaker ney, takhseesi bill ko Manzoor karne ke baad aewan ko multawi karne ka elaan kiya. is bill ko wazeer-e-aala K.Chandrashekhar Rao ney muta-arif karwaya tha. Qabal azeen speaker ney aewaan committees ka elaan kiya.
Unhon ney AIMIM ke rehnuma Akbaruddin Owaisi ko Public Accounts Committee ka Chairman naamzad kiya, aur Solipeta Linga Reddy ko takhmeenah committee ka Chairman aur Ashannagari Jeevan Reddy ko public under taxing committee ka chairman naamzad kiya. is committee ke members mein Kalvakuntla Vidyasagar Rao, Prakash Goud, Abraham, Shankar Naik, Dasari Manohar Reddy, Nallamothu Bhaskar Rao, Ahmed Pasha Quadri aur Korukanti Chandar shamil hai.
10 roz tak chalne walay assembly ijlaas ke douran, aewaan ney 58 ghantay 6 minute tak kaam kiya aur teen bill aur ek qarar dar ko Manzoori dedi. –YTN STAFF