Aindah intikhabaat mein brsr r iqtedar Telangana Rashtra Samithi ke imkani muzahira se mutaliq kurwaye gaye haliya teen survey ke minjumlah do Survey reports mein paish qiyaasi ki gayi ke Telangana riyasat ki 119 Assembly nashiston ke minjumlah brsr e iqtedar TRSko 100 nashistain haasil hon gi. Chief Minister Mr. K Chandar shekhar RAo ney apni hukoomat ki karkardagi ki asaas par aindah intikhabaat mein party muzahira ke baray mein jankari haasil karne teen mukhtalif agencio se namona Survey karwaya tha jis mein lakhoon ki tadaad mein awam se un ki aaraa haasil ki gayi thi. do agencio ke Survey ke nataij bar aamad hogaye hain jin mein hkmran jamaat ko wazeh aksariyat haasil honay ki paish qiyaasi ki gayi hai. un do agencio ke mutabiq TRS ko 119 ke minjumlah taqreeban 100 nashiston par kamyabi haasil hogi jabkay teesray Survey ke nataij hanoz haasil nahi hue hain .