Kabul: Afghanistan cricket board ACB ne October November mein muttehida Arab imaarat aur Oman mein hone wale ICC menz T20 world cup ke liye apni team ka elaan kar diya jis ke fauran baad league spinner Rashid khan ne Afghanistan T20 captain ke auhde se sabakdosh hone ka elaan kar diya hain.
All rounder ne yeh faisla world cup iskuwad ke elaan ke baad kiya hain. Rashid khan ne social media par ek bayan mein kaha sellection commete aur ACB Afganistan cricket board ne team ke liye Meri razamandi hasil nahi ki jis ka elaan ACB media ne kiya hai.
Ba taur e captain aur qaum ke zimmedar fard mein team ke inteqab ka hissa baane ka haq mehfooz rakhta hoon. Main Afganistan T20 ke captain ke auhde se sabakdosh hone ka faisla fauri taur par kar raha hoon. Tawaqqo hain ke Mohammed nabi world cup ke liye captain ka kirdar adaa kareinge.
Rashid khan ICC tournament ke liye elaan karda taqatwar spin shobe ka hissa hai jis mein unke saath all rounder Mohammad nabi aur sharfuddin ashraf ko team mein shamil kiya gaya hain. Front line spinners qais Ahmed aur mujeeb ur rahman ko bhi muntaqab kiya gaya. Afghanistan apna tournament 25 October ko Sharjah mein group B Mein qualifying teams mein se ek ke khilaf kheleiga. Afghanistan cricket board ki jaanib se mualna team in khiladiyon par mushtamil hain.
Rashid khan Rehman Ullah girbaz Hazrat Ullah Zazi Osman Ghani Asgar Afgan Mohammed nabi Najeeb ullah zadran hashmat ullah Shahid Mohammed Shehzad mujeeb ur Rahman Kareem Jannat gulbadeen nayeb naween ul haq hamid Hassan sharfuddin ashraf daulat zadran shahpur zadran aur qais Ahmed mehfooz khiladiyon mein officer zazi aur fareed Ahmed malik ke naam maujood hain.