Amaravati : Telugu Desam party ( TDP ) ke rehnuma wo sabiq rukan-e-parliment Naramalli Sivaprasad ka hafta ko Chennai mein Dehant hogaya, unki Umar 68 saal thi.
TDP rehnumao ne bataya ke Chittoor se do baar rukan-e-parliment ban’nay walay Naramalli Sivaprasad ne ghair munqasim andhra pradesh mein wazeer ki haesiyat se bhi khidmaat anjaam di hain. unhon ne Chennai ke niji hospital mein apni aakhri saans li.
Naramalli Sivaprasad jinhon ne chand telugu filmon mein bhi adakari ki thi, gurday se mutaliq bimarion mein mubtala they. inhen guzashta haftay tirupati ke SVIMS hospital mein daakhil karaya gaya tha, lekin unki haalat naazuk honay ke baad inhen Chennai ke Apollo hospital muntaqil kiya gaya tha.
Naramalli Sivaprasad ek theatre artist aur film producer bhi they, unhon ne film industry mein sir-garam rehtay hue bhi TDP mein shaamil hue they. woh 1999 mein andhra pradesh assembly ke liye muntakhib hue they. unhon ne Chandrababu naidu kabeena mein 1999 aur 2001 ke darmiyan wazeer it-tila-aat aur taluqaat aama aur Saqafat ki haesiyat se khidmaat anjaam diye.
Woh 2009 mein Chittoor se lok sabha ke liye muntakhib hue aur 2014 mein dobarah muntakhib hue. taham haliya intikhabaat mein inhen shikast ka saamna karna padha. Andhra Pradesh ki taqseem ke baad is ki mukhalfat karte hue aur baad mein riyasat ke liye khusoosi package ka mutaba karte hue Naramalli Sivaprasad ne parliment ke qareeb naye aur munfarid tareeqay se ehtijaj karte hue tavajja mabzol karwai thi. woh mukhtalif get up mein parliament atay they.
Pichle saal august mein woh, parliment mein Adolph Hitler ki tarhan malbos mein nazar aaye they. aur unhon ne wazeer-e-aaazm Narendra Modi par zor diya tha ke woh America ki pairwi nah karen. unhon ne Ram, Chatrapati Shivaji Maharaj, Mahatma Gandhi, ek kisan, ek musalman, maweshion ka chadwaha, ke ek aurat ke huliya mein bhi parliament mein atay they.
Naramalli Sivaprasad ki mout ke sath hi TDP ne ek hafta se bhi kam arsa mein apna dosra leader kho diya hai. sabiq Kodella Rao ne 16 sep ko hyderabad mein waqay apni rahaish gaah mein khud kushi kar li thi. –YTN STAFF