New Delhi: Congress ke sabiq sadar Rahul Gandhi ney jammu wo Kashmir ke governor Satya Pal Malik ke tayyarah bhej kar riyasat ke halaat ka muaina karne ki dawat ko thukrate hue kaha ke inhen tayyarah nahi chahiye balkay woh sirf yeh chahtay hain ke inhen riyasat ke logoun se milnay ki ijazat di jaye.
Rahul gandhi ney kaha hai ke woh oppostion ke leadroun ke ek wafad ke sath jammu wo Kashmir aur ladah ke awam aur wahan ke ahem leadroun se milna chahtay hain is liye governor is baat ko yaqeeni banayen ke inhen azadana tour par wahan ke logoun ke sath baat karne ka mauqa miley.
Wazeh rahay ke Rahul gandhi ney haftay ko congress working committee ke ijlaas mein shaamil honay ke baad media numaindoun se kaha tha ke jammu wo Kashmir mein halaat bohat kharab honay ki report hain.
Wazeer-e-azam Narendra Modi ko wahan ke haqeeqi halaat se malik ko aagah karna chahiye. unhon ney kaha tha ke naye congress sadar ke intikhab ke liye munaqqid working committee ke ijlaas mein inhen unhi reportoun ke paish-e-nazar bulaya gaya tha aur working committee is silsile mein ghour bhi kar rahi hai.
Malik ney Rahul gandhi ke is tabsaray par rad-e-amal ka izhar karte hue kaha ke Rahul gandhi sirf bayan baazi nah karen balkay jammu wo Kashmir aakar halaat ka muaina karen. waadi Kashmir ke unke douray ke liye tayyaray ka intizam kiya jayega. Rahul gandhi ney tweet karke malik ko jawab diya aur kaha mohtaram governor malik jee mein aur opposition ke leadron ka ek wafad aap ki dawat par kashmir aur ladakh aana chahunga. hamein aap ka tayyarah nahi chahiye balkay yeh yaqeen dehani chahiye ke hum azadana tour per ghoom saken aur wahan ke logon, leadron aur wahan ki security mein tainaat hamaray jawano se mil saken. –YTN STAFF