Hyderabad : Tamilnadu se talluq rakhnay walay ek 4 rukni bain ul riyasati , tavajja hata kar lootne wali gang ko Chaharshambe ke roz Rachakonda police ne LB Nagar, CCS aur Vanasthalipuram police ki khusoosi operation team ke mushtarqa operation team ke mushtarqa operation mein pakad liya. police ne unke qabza se 4.1 laakh rupay naqad raqam, ek tata Indica car, 15 kilo ganja aur 6 mobile phone Bar-aamad kar liye.
Ittila ke mutabiq, mushtarqa police team ne aaj Vanasthalipuram mein auto nagar ke ilaqa mein Tata Indica car ko roka aur Tamilnadu ke Ramjan nagar gang ke 4 arkaan ko girftar kar liya, jinki shanakht, deepak urf Deepu, Satiraj , Yogesh aur Suresh ke tor par hui.
Police ne bataya ke mujrimoun ne ek car se 58,97,600 rupaye ki naqad raqam chori ki thi, jo usay ATM mein load karne ke liye layi gayi thi. un logoun ne panama cross road par waqay Axis bank ATM markaz mein naqad raqam taqseem karne walay amlah ki tavajja hatai thi aur naqad raqam loot liya tha.
Unhoun ne Security officer ki tavajja hatatay hue kaha ke unhon ne naqad raqam ki farahmi ke amal mein kuch naqad raqam sadak par giraadee hai. jab woh cash lainay ke liye cash dispensing gaadi se neechay utra to choroun ne gaadi ka darwaaza khola aur naqdi raqam loot liye. –YTN STAFF