New Delhi: Social Democratic Party of India ( SDPI ) ke qaumi sadar MK Faizi ne apne jari kardah bayan mein Hathras ijtimai esmat raizi mutasirah ke ghar jarahay Indian National Congress ke leaders Rahul Gandhi aur un ki behan Priyanka Gandhi ki giraftari par Uttar Pradesh hukoomat ki sakht tanqeed karte hue kaha hai ke Pradesh mein taqat ka ghalat istemaal aur laqanoniat urooj par hai aur Yogi Aditiyanath ki ghair jamhoori hukoomat ka yeh buzdilana iqdaam hai. Delhi. Uttar Pradesh shahrah par police ne Rahul aur Priyanka Gandhi ke qaafley ko roka. Woh 19 sala Dalit bachi ke sogwaar kubba ki ayadat aur tasalii dainay ke liye Hathras jarahay thay jis ko 4 onche zaat ke nojawanon ne be dardi se ijtimai esmat raizi ki, Is ki zabaan kaat di aur is ki reedh ki haddi toad di thi. Is bachi ki laash ko ehalkaron ne ahal khanah ki adam mojoodgi mein aakhri rasoom ki adaigi kar di.
Rahul aur Priyanka dono apne hamion ke sath sadak par baith gaye jab police ne inhen agay jane se inkaar kardiya. Rahul Gandhi ko zameen par neechay dhakila gaya aur police ne lathi charge bhi ki. Fashist sanghi ikhtilaaf raye ki awazon aur jamhoori usoolon se adam rawadaar hain. Woh un ki mukhalifat mein uthnay wali awazon aur un ki zayadtio par sawal karne walon ke khilaaf taqat ka ghalat istemaal karte hain aur inhen giraftar karte hain. Uttar Pradesh mein ijtimai esmat razion aur hamlon ke waqeat badh rahay hain. Kal bhi riyasat ke Balarampur mein ek aur dalit bachi ke sath be dardi ke sath ijtimai zayad-ti ki gayi thi aur usay qatal kardiya gaya tha. Saboton ko mitanay ke liye post mortem kiye baghair hi is ki tadfeen kar di gayi. Riyasat mein mujrim azad ghoom rahay hain. Yogi Adityanath ke iqtidaar mein Uttar Pradesh ab mulk ka mujrimon darul hukumat hai. Rahul, Priyanka ya un ke hamiyan kisi bhi terhan ke tashadud ya jurm mein mulawis nahi thay. Woh ijtimai esmat raizi ka nishana ban’nay wali bachi ke ahal khanah se milnay ke liye safar kar rahay thay.
Hindustan ki jamhoori ayeen mein par aman jamhoori ehtijaj ki zamanat di gayi hai. Jo mojooda Modi hukoomat ki taraf se khatray mein hai aur Yogi Adityanath jamhoriat ka qatal karne aur ayeen ki be izzati karne mein Modi aur Amit Shah ko picche chodney ki koshish mein hain. SDPI qaumi sadar MK Faizi ne is baat ki taraf khusoosi nishandahi karte hue kaha hai ke fashizam ke khilaaf mutahidda awaami muzahmat hi wahid hal maloom hota hai, Kyunkay adliya se bhi ab insaaf ki tawaqqa nahi ki ja sakti hai. Jo jamhoriat ka teesra sutoon hai jis par logoun ne insaaf ke liye apni aakhri umeed ke tor par ab tak aetmaad kiya tha. Agar Z Plus Security walay Rahul ke qad ke leaders ke sath dhaka muki hosakti hai to koi yeh tasawwur bhi nahi kar saktha ke fashst hukoomat ek aam aadmi ke sath kaisa sulooq kere gi. MK Faizi ne Rahul Gandhi aur Priyanka Gandhi ko apna mukammal taawun pesh karte hue tamam jamhoori partiyon par zor diya hai ke woh Uttar Pradesh police ki is ghinawani harkat par ehtijaj karen.