Hyderabad: Progressive writers Association aur Urdu writers Association ke tehat, Mumtaz musanifeen, Mahireen taleem aur sahafioun ne jumaraat ke ruz Tank Bund par, Makhdoom Mohiuddin ke mujasmay ke paas, Shehriat tarmeemi act ( CAA ) ke khilaaf khamosh ehtajaji muzahira kiya. Aur mazkorh Act ko aeen ke Secular aur jamhoori jazbay ki khilaaf warzi qarar diya.
Unhoun ne ”Ayeen mein mudakhilat na kare“ Talba ke khilaaf tashadud ko rokay “ Hindustan firqa wariyat ko mustard kar diya“ Mazahab mein tafreeq: Aag se khelne “Killer Gandhi ko qatal karne walay: Aaj nojawanoun ke Qatel“ Jaisay tehreer kardah playcard thaamay ehtijaj kiya. Aur unhoun ne Jamia Millia Islamia, Aligarh Muslim University ke talba aur kuch deegar maqamat par police ki wehshiana karwai ki sakhti se muzammat ki.
Progressive writers Association aur urdu writers Association ne bhi Hyderabad aur Telangana mein doosri jaghoun par shehriat tarmeemi act ( CAA ) ke khilaaf muzahiroun par pabandi ki shadeed muzammat ki, Kyunkay is ne aeen ke tehat di gayi Izhar raye ki azaadi aur ikhtilaaf raye ke haq ki khilaaf warzi ki hai.
Jumaraat ko yahan ek bayan mein, R. V. Rama Rao, ( sadar. Progressive writers Association, Telangana ) ne mutalba kiya ke reyasti hukoomat riyasat mein par aman ehtijaj ke khilaaf mamnooa ehkamaat ko fi alfoor mansookh kere. –YTN STAFF