Chennai: Hindustan ki mukhtalif reyaston mein rawan mah ke kisi na kisi haftay se schoolon ki kushadgi amal mein aarahi aur ab Tamil nadu mein corona waba ke sabab guzishta nou mah se band 10 win darjay ke school sankrati chuttiyon ke baad January 19 se khul jayenge.
Riyasat ke chief minister ne elaan karte hue kaha ke schoolon ko standards operating process (SOP) par amal daraamad karte hue khoola jayega. Unhon ne kaha ke tamam zila ohdedaron aur tibbi mahireen se 28 december ko ghoro-khoz karne aur 6 taa 8 January ke mabain talba ke walidain ki raye jan-nay ke baad schoolon ko phir se kholnay ka faisla phir se kya gaya.
Unhon ne kaha ke aindah board ke imtehanaat ke paish-e-nazar 70 feesad se zayed walidain ne 10 win aur 12 win jamaat ke schoolon ko kholnay ki himayat ki. unhon ne kaha ke tibbi mahireen, walidain ki raye aur talba ke mustaqbil ke paish-e-nazar 19 January se 10 win aur 12 win jamaat ke schoolon ko qiyam ki sahoolat ke sath phir se kholnay ka faisla kiya gaya hai. Unhon ne kaha ke tamam jamaaton mein 25 se zayed talba ko shrktki ijazat nahi di jayegi.
Palani swami ne kaha ke schoolon mein aanay walay talba ko quwat mudafat badhaane ke liye mehakma sehat ki janib se vitamin aur zinc ki golian fraham ki jayengi. alawa azeen mehakma sehat tamam sarkari schoolon ko hand sanitisers bhi muhayya karwayega.
School ahatay ke andar aur bahar talba aur asateza ke liye mask lagana zaroori hai. Ghhor-e-talabb ke aalmi waba corona virus ke samnay anay aur iske baad nafiz lock down ke sabab guzashta baras 25 March se riyasat ke school band hain. talba ke liye board ke imtehanaat munaqqid kiye gaye jabkay deegar tamam jamaat ke talba ko agli class mein taraqqi deydi gayi.
Riyasat mein qabal azeen diwali ke baad schoolon ko kholnay ka mansoobah tha lekin waba ke control mein nah honay ke sabab mahireen taleem aur siyasi partiyon ki tanqeed ke baad is faislay ko wapas liye liya gaya tha.