New Delhi: Jharkhand mein hungame tashadud ka shikaar hue Tabrez ansari ki post mortem report aagai hai. report mein inkishaaf hua hai ke Tabrez ki mout sir par lagi chot ki wajah se brain hemorrhage hojane se hui hai. Tabrez ansari ke maamla mein police ke kirdaar par bhi sawalaat uth rahay hain. mossola it-tila-aat ke mutabiq hujhoom jab ansari ko thaana lekar aayi, to police neh unka bayan darj kiya, lekin shikayat mein un par hue hamlay ka tazkara tak nahi kiya.
Post mortem report mein kaha gaya hai ke jin doctoron neh Tabrez ka ilaaj kiya, unhoun neh sahih andaz se jaanch nahi ki thi. X-ray report mein unke sir ki haddi tooti hui payi gayi, lekin brain hemorrhage ke liye unka ilaaj nahi kiya gaya. inhen jail bhaij diya gaya.
Yaad rahay ke Jharkhand mein Tabrez se mubayyana tor par jay shree raam aur jay hanuman kehnay ke liye dabao dala gaya tha. hamla awaron neh is waqea ka video bhi banaya tha. Tabrez ko 18 June ko gaadi chori karne ke ilzaam mein girftar karkay adalti tehweel mein bhaij diya gaya tha. 22 June ko Tabrez ki dawakhane mein mout hogayi.
Darin asna Tabrez ke chacha maqsood aalam neh kaha ke woh apne bhatija se police station ke lock up mein miley they aur woh bohat kamzor tha aur mushkil se baat kar paaraha tha. mujhe yaqeen nahi ho raha hai ke is neh police ko pitai ke barey mein kabhi nahi kaha. police neh jaan boojh kar isko chodh diya. kiya police walay andhay they, jo unhoun neh yeh nahi dekha ke woh buri tarhan peeta gaya tha? doctoron neh is ka dard kyun nahi dekha. – YTN STAFF