Melbourne: Cricket Australia ke chairman earl eddings ne kaha hai ke coronavirus ki waba ke douran rawan baras Australia mein T20 world cup ka ineqad ghair yaqini hai.
francesi khabar rasan agency ke mutabiq T20 world cup schedule ke mutabiq rawan baras 18 october se 15 November tak Australia mein khela jana hai aur is se qabal hukkaam ne kaha ke woh un tarikhon mein events ke ineqad ki mansoobah bandi kar rahay hain.
Chairman cricket Australia ney kaha ke corona virus aur safri pabandion ki wajah se kayi bain ul aqwami sarhadein abhi tak band hain. event ke ineqad ka imkaan tezi se kam ho raha hai.
Media se guftagu karte hue unhon ney kaha ke abhi tak rawan baras honay walay world cup ko bazabta tor per mansookh ya multawi nahi kiya gaya aur moujooda soorat-e-haal mein 16 teamon ko Australia bulana jahan beshtar mumalik mein covid-19 tezi se oopar ja raha hai, mera khayaal hai ke ye ghair haqeeqi hai, ya yeh bohat ziyada mushkil hojayega.
T20 world cup ke cheif executive jinhon ne cricket Australia ke uboori chairman ka ohda sambhala hai unhon ne kaha hai ke woh tawaqqa kar rahay hain ke ICC is tournamednt ke baray mein aindah mah faisla karegi. is hawalay se ziyada imkaan is baat ka hai ke yeh event aindah saal ke liye re-schedule hojaye, taham iska dar-o-madar waba ki soorat-e-haal aur phir masroof calendar mein tournament ke liye jagah bananay par hai. –YTN STAFF