Hyderabad: T16 League Cricket Tournament ke pehlay season ka kal yahan Mid Forte Cricket Ground Secunderabad par aaghaz ho raha hai jis mein 6 teamon ke darmain khitaab ke liye sakht muqablon ki tawaqqu ki jarahi hai.Tournment ke muntazmeen ke bamoujib is Tournament ka bunyadi maqsad Cricket khailnay walay aik hi ilaqay ke afraad mein dostana mahol ko khel ke zareya farogh dena hai aur pehlay season mein 6 temen Sun Net All ways Professional, Sufinight Riders Virugaru Das, Safa eleven, RK Vintage aur RP Royal, Cup ki daud mein shaamil hain. Un teamon ke darmain Round Robin tarz par muqablay hon ge neez har team ko 5? muqablon mein shirkat ka mauqa miley ga jis ke baad sare fehrist 2 teamon ke darmain final khela jaye ga.
Is Tournament mein Man of The series,Tournament ke behtareen batsman, behtareen bowler, sab se qeemti khiladi, behtareen catch aur deegar infiradi inamaat ke sath winner aur runner Trophy bhi faraham ki jarahi hai. Tournament ke tamam muqablon ka raast mushahida Cric Heros App par kya ja sakta hai aur app ki madad se Tournament ke award ke liye khiladion ke muzahiron ka tajzia kiya jaye ga. Tournament mein khailay janay walay tamam muqablon ki har geend par taaza tareen sorat e haal se waqfiyat ke liye cricket heros aap par bain al aqwami muqablon ki terha score lamha bah lamha up date hota rahay ga. Jis ka duniya ke kisi bhi konay se kisi bhi waqt mushahida kya ja sakta hai.