New Delhi: Goa police ne swimming coach ke khilaaf ismat rezi ka muqadma darj kiya hai. tafseelaat ke mutabiq Goa swimming association ( GSA ) ke swimming coach Sarjit Ganguly ke khilaaf unki training mein moujood 15 sala ladki ko harasan karne ke khilaaf ek muqadma darj kiya gaya hai.
Coach ke khilaaf jo muqadma darj kiya gaya is waqea ki video social media par kaafi maqbool hui hai. is zimn mein Wazeer sports kiran Rijiju ne wada kiya hai ke khaati ke khilaaf sakht karwai ki jayegi. GSA ne is waqea baad fori karwai karte hue coach Ganguly ko bar-tarf kardiya hai jabkay un ke khilaaf IPC ke daf-aat 376 ( ismat raizi ) aur 354 ( bad sulooki ) aur 506 ke tehat muqadma darj kiya gaya hai.
Alawa azeen jinsi harasani se bachon ko mehfooz rakhnay ke qanoon POCSO ke tehat bhi unke khilaaf muqadma darj kiya gaya hai. alawa azeen inspector Kapil naik ne kaha hai ke Ganguly ki hunoz giraftari amal mein nahi aayi hai kyunkay woh kahan hai iska hunoz ilm nahi ho saka hai.
Alawa azeen GSA ke secretary syed abdul majid ne media numaindon ko mutala kiya hai ke coach ganguly ka moahida khatam kardiya gaya hai kyunkay bangal se taluq rakhnay wali ladki aur coach ke waqea ki video hum ne dekhi hai. yaad rahay GSA ne taqreeban dhai baras qabal ganguly ko coach ke ohda par faiz kiya tha. –YTN STAFF