Hyderabad: Supreme Court nay Telangana mein PG dakhilon ki tareekh mein 31 August tak towsee ki mohlat dainay ki hidayat di hai. Telangana Medical Collages ney Telangana hukoomat aur Kaloji University ki janib se jari kardah Notification ke khilaaf ek arzi daakhil ki thi jis ki samaat jumaraat ko adalat-e-uzma nay ki.
Medical Collages ney bench se khwahish ki ke Telangana hukoomat, Kaloji University ki janib se di gayi mohlat mojooda corona waba ke paish-e-nazar na kafi hai. Is marhala par adalat nay nishandahi ki ke talba ko dakhilon ke liye tayari karni hoti hai aur is ke liye kaafi waqt nahi diya gaya hai. Tamam aawam par ghhor karne ke baad 3 rukni bench nay PG mein dakhilon ke liye mohlat mein 31 August tak towsee kar di hai.