Hyderabad: Supreme Court ne is saal diwali ke douran Telangana mein aatish baazi ke liye 2 ghantay ki ijazat dainay ke baad bhi shehar mein bohat ziyada aatish baazi, roshni aur bohat ziyada shor ke sath ek wasee jashn manaya gaya hai.
Hyderabad ke mutadid hissoun mein tehwar ke din aadhi raat tak aasman par buland rocket aur patakhe jaltay dekha gaya.
Bohat se logoun ne 15 November ke aakhir tak aatish baazi jari rakhi. Diwali ke dosra din itwaar ka din hai. is liye bhi dosray din aatish baazi hoti rahi jiske nateeja mein diwali ke ek din baad hi shehar ke kuch hisson mein aloodgi ki satah badh gayi thi. Central pollution control board ( CPCB ) ke mutabiq, zoo park station par hyderabad ka Air Quality Index ( AIQ) 13 November ki subah sirf 86 tha. taham 14 November ko yeh 115 aur 15 November ko yeh 113 record kiya gaya. isi tarhan sanatnagar board mein 15 November ko record kardah index 162 tha jabkay 14 November ko wohi 85 tha.
Bazahir kisi bhi ohdedar ne tehwar ke douran aatish baazi mein mudakhlat nahi ki jis ke nateejay mein log is tajweez kardah had se ziyada patakhe phodh rahay thay. Is muamlay mein baat karte hue hyderabad shehar ke police commissionaire IPS Anjani kumar ne kaha ke chunkay inhen kisi shehri ki taraf se koi shikayat masool nahi hui is liye koi karwai nahi ki gayi. Reyasti aloodgi control board ke ohdedar is muamlay par tabsaray ke liye dastyab nahi thay. green patakhe ki kami jabkay adalat ne national green tribunal ( NGT ) ke hukum ke mutabiq riyasat mein patakhon ki farokht aur istemaal ki ijazat aur green patakhe phatnay ki ijazat wahan thi jahan fazai miyaar aitedaal pasand zumre mein hai. awam ki aksariyat ne kaha hai ke inhen aas paas ki dukanon mein mahol dost patakhe nahi miley.