Lucknow : Uttar pradesh ki special investi gation team ( SIT ) hindu samaaj party ke rehnuma kamlesh tiwari ke qatal ke ilzaam mein 2 afraad ko hirasat mein le chuki hai aur mazeed qatilon ki talaash kar rahi hai. aisay mein deegar agenciyoun ke sath, mushtarka taor par kaam kar rahi Special Task Force ( STF ) ney aik innova car ko qabzay mein le liya hai, jisay hamla awaron ney lakhimpoor ke palya se Shahjahan poor janay ke liye book kiya tha. sath hi car ke driver ko pooch taach ke liye hirasat mein liya gaya hai.
zaraye ke mutabiq, driver ney inkishaaf kiya hai ke is car ko gujrat ke maalik ke aik rishtedaar ney 5000 rupiye mein book kiya tha. aisa maana ja raha hai ke dono hamla awaron ney is car mein lakhim poor se Shah jahan poor ka safar kiya tha, jahan inhen peer ke roz CC TV cameroun mein bus stand ki taraf jatay hue dekha gaya tha. peer ke roz SIT ney un dono ki talaash mein mutadid hoteloun, lodges, aur madrsoun par chaapay maaray, lekin woh nahi miley .
Un qatilon ko mulhiqa azlaa mein bhi talaash kiya ja raha hai aur tamam dakhli aur kharji raastoon ko alert kar diya gaya hai. police ney un do qatilon par inaam rakha hai, aur aik ka pata bitanay walay ko dhai laakh rupiye aur dono ka pata bitanay walay ko paanch laakh rupiye dainay ka elaan kiya gaya hai. is ke sath hi un dono matloob qatilon ke khakay bhi jari kiye gaye hain.
police ka khayaal hai ke matlooba hamla aawar nepal jaaney ki koshish kar sakte hain aur police un ko naqal makani se roknay ke liye thos iqdamaat kar rahay hain. STF Ke aik ahelkaar ney bataya ke woh ab bhi Shahjehan poor mein roposh hain. UP police ki aik team ney hamsaaya peelibheet zila ke sher poor gaon ke rehne walay 28 sala feroz se bhi pooch taach ki hai. Feroz ka, kamlesh tiwari qatal ke chaar mulzimon mein se aik mulzim raashid se talluq hai.
Wazeh ho ke kamlesh tiwari ka 18 اOctober ko lucknow Mein qatal kiya gaya tha. zafrani libaas pehnay namaloom afraad ney Khurshid baagh ilaqay mein waqay tiwari ke daftar mein daakhil hokar goliyaan chala yi theen aur wahan se farar ho gaye they. hospital mein kamlesh ki mout ho gayi thi. is ke baad police ney teen logon ko girftar kya tha, jin mein se ek ko choodhdiya gaya, aur mazeed 2 afraad ki talaash jari hai