Sydney: Australian fast bowler Josh Hazlewood ne kaha ke Hindustan ke khilaaf pehlay tst mein saathi fast bowler mitchell Starc ki wapsi se Australian team ko taqwiyat mileygi kyunkay senior speed star Starc ka gulaabii gaind ke khelon mein ghair mamooli record hai.
Baen haath ke fast bowler ke naam gulaabii gaind ke saat day Night test mein 19.23 ki ost se 42 wickten darj hain. Starc khandani fard ki bemari ke sabab apni rukhsat ke baad team mein dobarah shaamil honge.
Zahir hai ke Starc hamari team aur fast bowling shoba ka bohat bada hissa hai. Gulaabii gaind ke muzahirey unki ahmiyat ke tarjuman hain. hum unka khulay dil se istaqbaal karte hain. guzashta haftay khandani fard ke beemar hone ke baad Starc ko pehlay T20 ke baad rukhsat di gayi thi lekin ab cricket Australia ne elaan kya hai ke Starc team mein wapsi ke liye tayyar hai.
Hazlewood ne mazeed kaha ke mujhe lagta hai ke wo theek honge. woh ek peshawar khiladi hai aur woh guzashta hafta ke douran jo kuch karsaktha woh kar chukka hai Hazlewood ne mazeed kaha ke do din ki tayari kaafi hai. naib captain Patt cummins, Hazlewood, Starc aur spiner Nython lyon ki mojoodgi se maizban team ko bowling shoba mein poori taaqat haasil hogayi hai, halaanke batting shoba mein David Warner ( zakhmi ) honay se opening jodi par sawalia nishaan hai.
All rounder Cameroon green, jo middle order mein batting karte hain ko bhi pichlle haftay sydney mein Australian A ke tour match ke douran Jasprit bumrah ki gaind ki zad mein aakar mutasir honay ke baad meezban team ko opening ka masla sangeen hua hai. Is zimn mein puche jane par Hazlewoodne kaha ke ye ek ghair mamooli baat thi. har khiladi IPL ke foran baad khail raha hai aur hum ne mehdood overs ki cricket mein jad-o-jehad ki hai. test thoda sa mukhtalif hota hai lekin un halaat ke liye har bain ul aqwami cricketer tayyar rehta hai.Set featured image