Hyderabad: Riyasat Telangana ne coronavirus ki wajah se mah march mein multawi ho chukay SSC imtehanaat ki poori tayyar karli hai aur ab ye imtehanaat 8 June se 5 July tak munaqqid kiye jayen ge lekin imtehanaat ke aaghaz se qabal hi talba aur aolyaye talba ki janib se SSC imtehanaat ko nah sirf mansookh karne ka balkay talba ko taraqqi dete huve inter mein dakhlay ka ahal qarar dainay ka mutalba zor pakad chuka hai. Social Media par is waqt SSC imtehanaat ko mansookh karne ka mutalba zor pagad chuga hai aur khaas kar Twitter par SSC imtehanaat ko masnokh karne aur talba ko taraqqi dainay ke mutalba ke tehat shuru kardah muhim ka Trend hindostan main pehlay maqam par pahonch chuka hai. Twitter par Telangana ke SSC imtehanaat ko mansookh kiya jaye aur talba ko taraqqi di jaye ke unwan ke tehat jo Trend chalaya gaya hai wo is waqt hindostan ka number ek Trend ban chuka hai. Is Hashtag ke zareya lakhoon talba aur un ke walidain ne hukoomat se mutalba kiya hai ke riyasat mein coronavirus ki mojooda soorat e haal kaafi tashweesh naak hai aur aaye din musadeqa mareezoun ki tadaad mein izafah hi hota ja raha hai aur in halaat mein imtehanaat ka ineqad talba ki zindagion ko khatray mein daalnay ki mutradif hai lehaza hukoomat un imtehanaat ko mansookh karte huve talba ku taraqqi dainee chahiye. –YTN STAFF