Srinagar : Srinagar zila mein masjidoun aur unki intizami committee ki tafseelaat talab kar nay walay khufia police muwasilat ki naqal, jo social media par viral hoyi hai.is ke talluq se ohdedar ka kehna hai ke yeh ek mamool ka hukum tha. Srinagar ke senior superintendent police ( SSP), Haseeb mughal ki janib se zila ke mukhtalif zonal superintendent police ( SSP ) ko bheje gaye ek khufia khat ki copy peer ko social media par viral hogayi.
Khat mein sabhi superintendents se kaha gaya hai ke woh apne ilaqa ki masajid, unke Intezamia, aur wahan tainaat moulvi ki saari jaankaari muhaiyya karayen. Police head quarter ke SSP Haseeb Mughal ki taraf se jari yeh khat, SSP city zone Srinagar , SSP city hazrat bill zone Srinagar , SSP city north zone Srinagar, SSP city east zone Srinagar aur SSP city west zone Srinagar ko bheja gaya hai.
Khat mein saari jaankaari jald se jald dastyab karanay ke sath hi kya gaya hai ke is jaankaari ko aala satah par bheja jana hai. taham SSP Srinagar Haseeb Mughal nay is ko polisng ki mamool ki mashq qarar diya hai.
Jab is hukum ki sadaqat par tabsarah karne ko kaha gaya to mehakma dakhla se mutaliq reyasti governor ke musheer Vijay kumar nay kaha ke unse afwahon par tabsarah karne ko nahi kaha jasakta. yahan tak ke unhon nay media waloun ke muharikaat par bhi sawal uthaya, jinhoun nay inhen information ka ”makhiz“ talab karte hue woh order copy dekhaya.
Musheer ke tabsaray ke ghantoun baad, SSP Srinagar nay media ko ek bayan jari kya, jis mein kaha gaya hai ke order ke mutabiq yeh ek ”Mamul ka hukum tha.
Is muwasilat par radd-e-amal zahir karte hue, senior alehadgi pasand rehnuma Meer Waiz Umar Farooq nay apne Twitter handle par kaha ”hukumat ki taraf se mazeed afwaj ki taenati ke baad, logoun mein khauf paeda karne ke liye rozana jari kiye jaane walay ehkamaat ki wajah se, hamari ibadat gaahon aur mazhabi umoor ke khilaaf kisi bhi iqdaam ki riyasat bhar ke tamam musalman sakht muzahmat karenge. jaan boojh kar halat ko kharab nah karen. –YTN STAFF