Hyderabad: Cyberabad Special Operations Team ( SOT ) ne RC Puram se ek jawan ko aghwa aur dhamki dainay ke ilzaam mein 4 afraad ko giraftar kiya. Giraftar kiye gaye afraad mein Andhra Pradesh ke maghribi Godavari zila ka Driver Nagaraju Ragha Varma urf Colonel Kartikeya, Andhra Pradesh ke maghribi Godavari se talluq rakhnay wala ke Rajesh, Andhra Pradesh ke Vizianagaram se talluq rakhnay wala L Ram Krishna aur Nizam College ka taalib ilm R Jor Singh shaamil hai jo kay Kama Reddy zila ka aabadi hai.
SOT ke mutabiq Nagaraju Ragho Varma khud ko fouji ohdedar zahir karte hue logon ko dhoka day raha tha. Is ne jaali shanakhti Card banaya aur fouji ki wardi kharidi aur ek naqli Pistol ke husool ke ilawa jaali bahadur Award bhi banaye. Is ne khud ko Lal Bazaar aur Narayanguda mein Army officer ke tor par muta-arif karwaya. Police ke bamujab is khud sakhta fouji ne Hindustani fouj mein mulazimton ka wada karkay mutadid afrad ko dhoka diya ki aur un se taqreeban 7 lakh rupay haasil kiye.
Khud sakhta fouji ne karaye ki Cars len aur Army Sticker chaspan kardiye taakay woh fouj ki gadiyon ki terhan nazar aa saken. Cyberabad ke Commissionaire VC Sajjanar ne kaha hai ke woh apne aabadi zila mein mukhtalif maqamat par wardi mein mukhtalif samaji programon aur dukanon ki iftitahi taqreeboo mein bhi shareek huwa aur apne muqami ilaqay mein is ki cut out rakhi hain. Haal hi mein khud sakhta Army officer Nagaraju ne apne sathiyon ke sath mobayyana tor par ek nojawan tajir ko aghwa kiya.
SOT ne waqea ki tafseelaat batatay hue kaha ke khud sakhta fouji aur is ke sathiyon ne tajir ko aghwa karne ke baad is ke aankhon par patti baandhi aur daawa kiya ke woh fouj ke jawan hain aur usay namaloom maqam par le gaye. Usay azad karne se qabal is se 30 hazaar rupay haasil karliye. Police ohdedaron ne mulzim ko giraftar karkay mazeed Juditional Remand par bhaij diya.