Ghaziabad: Sood khoroun se bachney ke liye Dehli ke ek sarhadi maqam par ek qarz ke boojh taley dabe hue ek tajir, jis ne apni shakal badal li aur kisanon ke jari ehtijaj mein shaamil hogaya lekin iski yeh koshish ziyada faida-mand saabit nahi hui kyunkay police is ke phone ke zareya usay kisanon ke ehtijaj ke hujhoom mein dhoond nikala hai.
Police ne iska suraagh laga liya hai. Police ne is waqea ki tafseelaat batatay hue kaha ke ke murad nagar qasbay ka rehaishi parveen 1st decemeber ko apna ghar chodh kar laa pata hogaya tha aur wo wapas nahi aaya. Woh ghazipur ghaziabad ( uttar pradesh ke phaatak ) Border par paaya gaya tha. Is se qabal bhi woh ghar se la-patah honay ke kuch din baad wapas agaya tha is liye iske ahal-e-khanah ne 12 decemeber tak police shikayat darj nahi ki. Police superintendent ( delhi ) eraja Raja ne kaha ke parveen ko is ke mobile phone ki madad se track ( dhoonda ) kiya gaya tha jaisa ke iske phone ko nigrani par dala gaya tha. alawa azeen is tajir ki car kisanon ke ehtajaji maqam ke qareeb khadi hui mili.
Ek police ohdedar ne kaha is ne daadhi badha li aur woh ek sikh aadmi ki tarhan dikhayi day raha tha. Taham hum ne usay apni car ke andar daakhil hotay hue pehchan liya. Tafteesh ke baad isne police ko bataya ke is par qarz hai aur qarz dainay walay is par qarzon ki wapsi ke liye dabao daal rahay hain. aur woh is pareshani se se bachney ke liye ehtijaj ke maqam par camp lagana shuru kiya kyunkay is maqam par woh khud ko mehfooz mehsoos karne ke alawa usay yahan muft khana mil raha tha.