Hyderabad : Congress ki uboori sadar Sonia gandhi ne Huzoor Nagar halqa se Telangana qanoon saaz assembly ke zimni intikhabaat ke liye congress ke umeed waar ki hesiyat se Padmavati reddy ki manzoori dedi hai.Incharge secretary ne ek press note mein yeh baat kahi.
Sabiq rukan-e-assembly, 46 saala Padmvati reddy, Telangana ke TPCC chief Uttam kumar reddy ki ahliya hain. woh ko Dadh assembly halqa ki numaindagi kar rahi theen. 1994 mein jab se unke shohar Uttam kumar reddy ne siyasat mein qadam rakha, tab se woh tamam intikhabi muhimoun mein shaamil rahi hain.
Wazeh hoke uttam kumar reddy 2018 ke intikhabaat mein huzoor nagar se assembly ke liye muntakhib hue they, lekin Nalgonda se rukan lok sabha muntakhib hone ke baad is nishist se dastbardar hogay they.
Mazkoorah assembly nishist ke liye party umeed waar ke tor par senior congress rehnuma aur rukan-e-parliment Revanth reddy ne kiran reddy ko ticket daine ki darkhwast ki, lekin party ke deegar rehnumao ne Revanth reddy ki is darkhwast ki mukhalfat ki aur Padmavati reddy ko umeed waar banane ki himayat ki. jisay Sonia gandhi ne qubool kiya aur Padmavati reddy ko is halqa se party umeed waar ki hesiyat se manzoori di. –YTN STAFF