New Delhi : Congress ki uboori sadar Sonia gandhi ne jumeraat ko, muashi sust rawi ko lekar BJP hukoomat ko tanqeed ka nishana banaya aur is per inteqam ki siyasat mein mulawis honay ka ilzaam lagaya.
Congress zaraye ke mutabiq, Sonia gandhi ne jumaraat ko party ke general secretaries, reyasti incharges , reyasti unit ke sarbrahan aur deegar ke ijlaas mein khitaab karte hue yeh baat kahi.
Party zaraye ke mutabiq, Sonia ne 2007 aur 2009 ke darmiyan muashi sust rawi se nimatnay mein UPA hukoomat ki kamyabion ko bhi yaad kiya. aur party ke rehnumao ko bataya ke hamari hukoomat ne muashi bad-haali ke douran maeeshat ko sust rawi se nikala hai.
Unhon ne yeh bhi kaha ke kis tarah UPA hukoomat ke douran congress hukoomat mulaazmaten paeda karne mein kamyaab rahi thi. party zaraye ne kaha ke ”iqtesadi sust rawi par hukoomat par tanz karte hue Sonia gandhi ne party rehnumao ko bataya ke hukoomat kayi shobo mein mulazimaton ko bachanay mein nakaam rahi hai.
YTN STAFF Ke mutabiq Sonia gandhi ki party ke senior qaideen ke sath, party ka uboori sadar muqarrar kiye jane ke baad pehli mulaqaat hai. –YTN STAFF