Social media per chand afraad tauheen amaiz mawaad shaya karkay –apne social media accounts ki maqboliat ko badhaane ke liye nichli satah ki harkatein kar rahay hain. pichlle aik mahinay mein cyber crime police ko khaas tor par hyderabad mein mutadid Facebook pages ke khilaf 6 ke qareeb shikayaat masool hui hain jis mein yeh ilzaam lagaya gaya ke kuch sarfeen mukhtalif afraad ke khilaaf badnami amaiz mawaad shaya kar rahay hain .
Police ne kaha hai ke lock down ke baad se hamaray paas mazeed shikayaat aa rahi hain. log social media par har terhan ke mawaad ka sahara le rahay hain. hyderabad cyber crime ke aik ohdedar ne kaha hai ke hamein Facebook ke jin safhon par shuba hai un mein se kuch safhaat siyasi jamaaton ke hamdardon ke hain. June ke wast mein AMIM party ke social media rukan Mohammad Urfan ne kuch afraad ke khilaaf shikayat ki hai jo Facebook par kam se kam chay community pages ke admin hain aur muqami rehnumao ke khilaaf tauheen amaiz posten bana rahay hain. isi terhan ki shikayat guzashta haftay aik party ke aik aur social media sale mumbar tauseef ne Facebook page ke khilaaf bhi ki thi.
ALSO READ: Audi car haadse ke khaati girftar
Isi terhan ki aik aur shikayat hussaini alum police station mein ki gayi thi jis mein is shakhs ne chairminar ke MLA mumtaz Ahmed Khan ki tasweer ke sath social media par tabsarah kiye thay. cyber crime hyderabad ke ACP k.v m prasad ne kaha ke lock down ke baad se inhen social media plate form ke zareya trolling ki bohat si shikayaat masool hui hain. hum muqadmaat darj kar rahay hain aur tafteesh shuru kar rahay hain. isi ke sath hi hum social media accounts ko ghair fa-aal karne ke liye companiyon se bhi rabita kar rahay hain .
Dar haqeeqat, police ne aik samaji karkun ko mobayyana tor par aik khatoon khatoon youtuber ke khilaaf tauheen amaiz tabsaray karne ke ilzaam mein girftar kya tha kyunkay is khatoon ne khudkushi ki koshish ki thi. police ne mutnabba kya hai ke social media par bud unwani aur ishtial ka sahara lainay walon ke khilaaf sakht karwai ki jaye. police ohdedaron ne kaha hai aik khusoosi team social media plat form per nigah rakhay hue hai aur woh muqadmaat bhi darj kar rahe hain.