Telangana Rashtra Samiti ke qad aawar leader wo Irrigation Minister Mr. Hrish Rao ney jummay ke din Siddipet ke Ibrahimpur mein aik jalsa aam mein yeh iradah zahir karte huwe ke woh siyasat se subukdosh hojana chahta hain, sab ko hairat mein daal diya. Mr. Harish Rao ney kaha ke siyasat se kinara kashi ikhtiyar kar lenay ke bawajood maein awam ki khidmat anjaam deta rahon ga. Siyasat se khushyun ke sath subukdosh honay ki khawahish ka izhaar karte huwe Mr. Harish Rao ney kaha ke aap tamam se mujhe be panah pyar o mohabbat mila hai. Yahi meri zindagi ke liye kaafi hai. Ijlaas se khitaab karte huwe Mr. Harish Rao ney awam se kaha ke Congress Party ko vote na dein. Agar Congress ko vote dey kar Iqtedaar sonpa gaya to woh tamam industries Andhra Pradesh muntaqil kar dein ge jis se hamari riyasat ke awam ka bada nuqsaan hoga. Mr. Harish Rao jinhon ne Ibrahimpur ko adopt kiya hai pichle intekhabaat mein un ki taied o himayat karne par dehation se izhaar tashakor kiya.