Mathura: Awam ki hifazat aur qanoon ke rakhwaloun ne apnoun ko hi nahi mehmanoun ko bhi apni hawaas ka nishana banaya hai.
Uttar pardesh ke zila Mathura kotwali ilaqay mein ek beroon mulk ki rehne wali khatoon ne do police ohdedaroun khilaaf ismat raizi ka ilzaam lagaya hai. iski tehreer par mulzimoun ke khilaaf FIR darj karli gayi hai.
Police tarjuman ne bataya ke khatoon ka ilzaam hai ke government railway police ( GRP ) agra fort station par tainaat dharmindar ne apne saathi aakash pawar ke sath mathura kotwali ilaqay ke ek hotel mein 31 august ko ismat raizi ki.
Aakash intelligence bureau mein agra mein tainaat hai. khatoon ki tehreer par Mathura shehar kotwali mein mulzim police ohdedaron ke khilaaf muqadma darj kiya gaya hai.
Unhon ne bataya ke 4 saal pehlay Hothers ke basawar ilaqay ke ek nojawan se Furghistan ki rehne wali khatoon ne shadi karli. khatoon ne hindustani shehriat bhi haasil karli hai. khatoon ka ilzaam hai ke shehriat haasil karne se qabal constable dharmindar iski visa ki muddat badhaane ke naam par lucknow se le gaya jahan is ne iske sath ismat raizi ki aur iska video bhi banaliya.
Khatoon ka ilzaam hai ke dharmindar 31 august ko isi video ki bunyaad par usay blackmail kar ke usay Mathura le gaya jahan is ne ek hotel mein apne saathi agra GRP intelligence mein tainaat aakash pawar ke sath ismat raizi ki is darmiyan kotwali incharge Audesh pratap singh ne kaha ke mutasirah ka aaj medical muaina karaya ja raha hai. sath hi bayan darj karwaye jarahay hain. police mulzimon ki sar garmion se talaash kar rahi hai. –YTN STAFF