Sitapur: Uttar pradesh mein Sitapur shehar ke kotwali ilaqay mein mobayyana chedh chadh ki mukhalfat karne par ek nojawan ki taraf se ghar mein ghus kar jalayi gayi ladki ki ilaaj ke douran Lucknow ke civil hospital mein mout hogayi.
Police zaraye nay yahan yeh ittila di. unhon nay kaha ke Sitapur shehar kotwali ilaqay ke ek gaon ki rehne wali 17 sala ladki ke ahal-e-khanah ka ilzaam tha keh Golo Nami noujawan nay mangal ko aabru rezi ki koshish ki thi, nakaam rehne par golo is ladki ko dhamki day kar bhaag gaya tha.
ladki ke waalid ki tehreeri shikayat ke mutabiq golo Charshambe ki shaam matti ka tail lekar ghar mein ghus gaya aur iski beti par tail undail kar aag laganay ke baad faraar ho gaya tha.
Ladki ki cheekh vo pukar par padosion nay wahan pohanch kar aag bujhai aur is ko zila hospital pohanchaya. haalat naazuk honay par doctoron nay ladki ko lucknow ke shyama prasad mukharejee hospital mein daakhil karwaya tha. ladki ki ilaaj ke douran raat taqreeban 10 bajey mout ho gayi.
Unhon nay kaha ke post mortem ke baad laash ahal-e-khanah ke hawalay kar di gayi hai. is douran Lucknow zone ke additional police director general Rajiv krishan nay civil hospital pohanch kar mutasirah ki kher o aafiat daryaft ki thi aur waqea ke mutaliq maloomat haasil ki thi.
Police mulzim ki talaash kar rahi hai. doosri taraf gaon walon nay kaha hai ke ladki aur golo ke darmiyan kaafi arsay se mu-ashiqa chal raha tha aur do din pehlay dono ko ahal-e-khanah nay pakad liya tha, baad mein ladki nay khud hi aag lagai. Ahal-e-khanah ke dabao mein ladki nay Golu per aag laganay ka ilzaam lagaya tha. –YTN STAFF