Aisa lagta hai ke Iran apne sakhtgeer mazhabi iqdamaat par amal aawri mein riayat ki simt agay badh raha hai aur mumlikat, awam mein payi jaany wali azad khayaali ke agay surangoon honay par mayel nazar aa rahi hai. Iran mein aik arsa se awam ka aik makhsoos group sakht geer mazhabi thdidat ki khil kar mukhalfat par utar aaya hai jis ke aik hissa ke taur par khawateen ney kaamil hijaab ke luzoom ke khilaaf muzahiron ka aaghaz kardiya tha. Is soorath e haal se nimatnay ke liye Irani Parliament ney apne tehqeeqi markaz ke zareya aik Report tayyar karwai aur is tahaqeeq ke aghaz kardah natayej ko manzar aam par laatay hue aitedaal pasandi ki rawish ikhtiyar karne ki janib mahol tayyar kya ja raha hai.
Iran mein aik Survey Report mein inkishaaf huwa hai ke sirf 35 feesad Irani khawateen ke hijaab par yaqeen rakhti hain. Yeh Report Irani Parliament ke zair e intizam tehqeeqi markaz ki janib se tayyar ki gayi. Report ke mutabiq log ab Mulk mein phailay is mazhar ki parwah nahi kar rahay hain jis ko shiddat pasand anasir ki janib se “juzwi hijaab” qarar diya jata hai. Is hijaab mein ziyada tar khawateen aur ladkiyan trouser aur taweel coat ke sath sirf sar ke balon ka kuch hissah dhaanp layte hain aur burqa nahi pehanti hain. Yeh report 43 safhaat par mushtamil hai. Is mein bawar karaya gaya hai ke hijaab ke maamla mein hukumati mudakhlat ko awam ki taizi se badhti hui mukhalfat ka saamna hai aur mazhabi, sarkari aur security hukkaam Irani muashera mein “kaamil hijaab” ki bajaye “juzwi hijaab” ke phailtay hue rujhan se nimatnay mein nakaam ho chuke hain. Report ke mutabiq juzwi hijaab pahannay wali khawateen ke shana bshanh mukammal hijaab karne wali khawateen theheri nazar aati hain aur un mein bhi hakoomati mudakhlat ke hawalay se mukhalfat mein izafah dekhnay mein aa raha hai. Irani Parliament ke tehqeeqi markaz ka yeh bhi kehna hai ke muashera mein akhlaqiaat ki nigaran khusoosi Police aur Mazhabi Authorities ke kaam jari rakhnay par shadeed mukhalfat payi jati hai. Report mein bataya gaya hai ke Iran mein 70% khawateen laazmi hijaab par yaqeen nahi rakhti hain aur juzwi hijaab ke hawalay se umomi nazar yeh muashra mein phail chkahe. report mein is janib bhi tawajah dilae gayi hai ke 85 % se ziyada khawateen juzwi hijaab ikhtiyar karti hain aur woh jabri hijaab aur hijaab ke maamla mein hukumati mudakhlat ke hawala se manfi muaqqaf rakhti hain. Yaad rahay ke jabri ya laazmi hijaab ki mukhalfat mein muhim ka aaghaz 27th December 2017 ko yani Iran mein hukumraan nizaam ke khilaaf bhadakne walay awaami ehtijaj se aik roz pehlay huwa tha. Vida Mowahed nami aik 31 sala ladki ney dar-ul-hukumat Tehran ke wast mein sadak par khaday ho kar apna hijaab utaara apne scarf ko aik chhadi par muallaq kar ke logon ke samnay fiza mein buland kya. Mazkoorah ladki ko girftar kar liya gaya taham woh Irani khawateen ke mutalba ki alamat ban gayi. Baad azan bohat si Irani khawateen aur ladkiyon ney Tehran mein shara “inqilab” ki is larki ki pairwi ki aur Mulk mein laazmi hijaab ke musallat kiye jaany par ehtijaj ka rasta apnaya. Yeh tehreek ab bhi mukhtalif sooraton mein jari o saari hai aur is ki aawaz aalmi satah par poanch gayi hai. is wajah se Irani hakkaam naay darjanon khawateen ko girftar kar ke jail mein band kya.
Sirf 35 Irani hijaab karne ke qaayel: Parliamani Report
