New Delhi: BJP ne congress ke sabiq rukan Assembly Shoiab Iqbal ke Aam Aadmi Party ( AAP ) mein shaamil honay par Chief Minister Arvind Kejriwal par sakht nuqta cheeni ki aur ilzaam lagaya ke wo nazarbandi aur muslim vote bank ki khatir aeen ki bajaye Shariat ko tarjeeh dainay waloun ku party ka chehra bana rahay hain.
BJP ke tarjuman Sambit Patra ne yahan ek press conference mein kaha ke Iqbal ke khilaaf daketi, Faasad karwane, Mohlik hathyaaroun ke sath dhamki dainay, Iqdaam qatal waghera ke sameit mutadid sangeen muamlay darj hain. Iqbal Chief Minister ku jail bheejwane ki baat kehte thay lekin aisa kiya huva ke Kejriwal ne Iqbal ko apni party mein shaamil kar liya?
Patra ne ilzaam lagaya ke Kejriwal naaz baradari aur Muslim vote bank ki khatir aisa kar rahay hain. Guzashta dinoun Jamia Masjid ke paas shehriat tarmeem qanoon ( CAA ) ke khilaaf hue muzahiroun mein Iqbal ke betay All Iqbal ne intehai firqa waranah taqreer ki thi jis mein unhoun ne wazeer e azam Narendra Modi ko barah e raast challenge karte hue Shariat ke liye gardan bhi katwane ki baat kahi thi aur Allah ho Akbar ke naaray lagaye thay.
Unhoun ne Kejriwal se sawal kiya ke kiya wo mulk ko aeen ki bajaye shariat se chalanay ke haq mein hain. Unhoun ne kaha ke hindustan ko ek baar phir mazhab ki bunyaad par taqseem karne ki saazish kon kar raha hai, Ye be naqaab hogaya hai. Mulk mein chahay aag zani ho, Ya hindu muslim fasaad ho, Un ke liye sabhi jaaiz hai lekin is se Muslim vote bank ban-na chahiye. –YTN STAFF