Thursday, February 22, 2024
HomeJurmShoher ko agwa karne aur jabran Talaq lene wali khatoon saathiyon ke...

Shoher ko agwa karne aur jabran Talaq lene wali khatoon saathiyon ke saath giraftar

Hyderabad: Ek khatoon ne mubeena taur par apne shohar ko agwa kar ke us se Ezabardasti Talaq le li. Taake woh apne aashna ke saath reh sake. Police hukkam ne mutasira ko bachaya aur hafsa sultana begum uske aashna Asif ko giraftar kar liya. Tafseelat ke ba maujib maula ali mein RTC colony ki rihaayeshi 24 saala hafsa sultana begum aur 31 saala shaikh wajid ki 2012 mein shadi huwi aur unke do bache hain. Lekin hafsa Asif ke saath taluqaat mein thi jis se woh social media par mili. Asif joh ke Musheerabad ke ilaaqe se hai ek kater ka kaam karta hain usne pehle hi se do martaba shadi ki hai aur uske bache bhi hain.

Hafsa gujishta saal April mein Asif ke saath bhaag gayi thi lekin Wajid ke malkaj giri police station mein shikayat darj karwane ke baad jisne uski counseling ki aur use apne shohar ke paas wapis laya. Kuch dino ke baad woh apne do bacho ke saath ek baar phir Asif ke ghar uske saath rehne gayi lekin hafsa ke walidain ki madad se Wajid ne use aur bacho ko dobara wapis bulwa liya. Hafsa jo Wajid ke saath nahi rehna chahti thi aur Talaq chahti thi lekin uska shohar raazi nahi huwa chunache usne Wajid se behas ke baad agwa ka mansooba banaya. Hafsa ke aashna Asif aur 4 deegar doston ne Wajid ko agwa karne mein uski madad ki.

Asif apne doston ke saath do do pahiyon ki gaadi par Wajid ke kaam ki jagah gaya aur use agwa kar liya. Unho ne mubeena taur par uski pitai ki taake use zabardasti Talaq par raazi kar liya jaye. Police ne mazeed kaha hai ke Talaq mazhabi afraad ki maujoodgi mein di gayi baad azaa Wajid apne rishtedaro ki madad se market police station mein shikayat darj karwane mein kamiyab hogaya. Unho ne hafsa begum Asif aur do deegar afraad ko giraftar kar liya hai jabke do deegar mulzimaan ko pakadne ke liye talash jaari hain.