Visakhapatnam: Intekhabaat mein qareebi rishtedar aksar ek dosray ke hareef ban jatay hain aur ab aisa hi ek waqea Andhra Pradesh ke zila Karishna ke Penamaluru Assembly halqa mein runuma huwa hai jahan se riyasat ki asal Oppostion YSR Congress Party ke umeedwaar ke tor par Shohar ney parcha namzadgi daakhil kiya to isi halqa se un ki Biwi azad umeedwaar ke tor par intekhabi maidan mein aagai hain. Is terha is halqa se Shohar aur Biwi aamney samney hogaye hain.
Sabiq Wazir K Parthasarathy ney is halqa se YSR Congress ke ticket se parcha namzadgi daakhil kiya jawab mein un ki biwi Kamala. azad umeedwaar ban gayeen. Naam wapas lainey ki aakhri tareekh ke baad Retiring Officer ney kaha ke is halqa se shohar aur Biwi intekhabi maidan mein hain.
Parthasarathy ki jamaat ka intekhabi nishaan Pankha hai jabkay un ki Biwi ke liye intekhabi nishaan Belt mukhtas kiya gaya hai. Un ke Farzand ney bhi isi halqa se parcha namzadgi daakhil ki thi taham un ka parcha namzadgi mustard kardiya gaya. is halqa se intekhabi muqaabla mein Shohar aur Biwi ke ek dosray ke aamney samney honey ka masla behas ka mauzo ban gaya hai.-YTN STAFF