Manchester: Ab taqreeban tey hogaya hai ke Team ke Senior tareen Batsman Shoaib Malik South Africa ke khilaaf aindah match mein Pakistani team ka hissa nahi hon ge. Zaraye ke bamoujib Shoaib Malik ko un ki kharab karkardagi ki wajah se Team se khaarij karne ka usooli faisla kar liya gaya hai. Un ki jagah Middle Order Hatsman Haris Sohail ko khilaya jaye ga.
Shoaib Malik ney rawan World Cup mein England ke khilaaf 8, Australia aur Hindostan ke khilaaf sifar par out huwe. Musalsal kharab form ki wajah se Shoaib Malik ko Tournament ke baqiya Matchon mein Team mein jagah nah milney ke khadshaat badh gaye hain. Shoaib Malik ney World Cup ke bad Oneday Cricket se subuk doshi ka elaan kara hai. Un ki karkardagi aur mustaqbil par sawalaat uth rahay hain. Pakistani Team manchester se London ke liye rawana huwi to Shoaib Malik team ki bas mein mojood nahi they. Shoaib Malik jo mumkina tor parTournament mein apna aakhri Match khail chuke hain unhon ney apni ahliya Sania Mirza aur betay Izhan ke sath khangi gaadi mein safar kiya. Shoaib Malik ke ilawa Mohammad Hafeez aur Haris Sohail bhi bas mein nahi they. tenu ne apni afraad khandan ke sath allag safar kiya.