Shivamogga. Karnataka ke zila Shivamogga ke Hosanagara taalluqa ke Old Bidanuru mauza se Khudwai ke douran Tipu Sultan ke daur mein istemaal honay wali Rockets Baazyaab huien. department of Archeology, Museums and Heritage ( DAMH ), is ilaqa mein jahan Kelidas ne hukumarani ki, apni tehqiqaat kar raha hai. Rockets ki baazyabi maurikheen aur mahireen assaar qadima ke liye aik challenge hai ke yeh saabit kere ke Mysore ke farmaa rava Hyder Ali aur Tipu Sultan ke Shivamogga zila ke kailadi hukmraanon ke sath dostana taaluqaat rahay thay. Commissioner DAMH Mr. G. Venkatesh ki qayadat mein mahireen Khudwai ne Old Bidanurumoza mein Nagraj rau ki zameen mein waqay aik kunwein ki Khudwai par 1, 000 Rockets Baazyaab hue. yeh Rockets bohat jald Shivamogga mein Shivappa Nayaka Palace ke Museum ka hissa ban jayen ge. Nagraj 2002 mein zameen kharidne ke chand dinon baad apni baoli ki safai kar rahay thay. inhen Iron Shell dikhayi diye. kisaan ne 160 golay DAMH ke hawala kiye. bangloru mein waqay aik museum aisay hi teen shell rakhay hue hain. Is se mahireen aasaar e qadimah is nateeja par puhanche ke Nagraj ki janib se bar aamad kardah Rockets Hyder Ali aur Tipu Sultan ke zamana mein tayyar kardah hain. Assistant director DAMH Mr. Shejeshwar ne kaha ke mehakma ne is ilaqa ki Khudwai karne ka faisla kya jahan pehlay is noiyat ke Rockets Baazyaab hue thay. kunwein ki 2002 mein Khudwai mein niklee hui matti isi zameen ke tukre par pari hui thi. yeh Rockets 23 se 26 snti meter lambai ke hain. commissionaire DAMH ne bataya ke khushk kunwein ki Khudwai par is ki matti se gun powder jaisi bo aa rahi thi, jis ke nateeja mein malba se Rockets aur shall bar aamad karne mein madad mili. Archeological Records ke mutabiq Shivamogga ka qilah ilaqa Tipu Sultan ki saltanat ka hissa tha aur yeh Rockets east India company ke khilaaf jung mein hkmran istemaal kya karte thay