New Delhi : Delhi ki sabiq wazeer–e-aala Anjhani Sheila Dixit ko unke janasheen Arvind Kejirwal se behtar qarar dete hue BJP ke rehnuma Vijay Goel ne kaha ke aam aadmi party ne pichle 5 saloun mein shehar ke liye koi kaam nahi kiya hai. unhon ne kaha ke aam aadmi party sirf ek aadmi ki party hai, aur is mein Kejriwal ke alawa kuch bhi nahi hai.
Unhon ne kaha ke ”mujhe Kejriwal ka koi kaam nazar nahi araha hai. woh tax dahindgaan ke paisoun ka istemaal kar rahay hain. aur logon ko be-waqoof bana rahay hain. shehar mein 5 saloun ke douran koyi naya kaam nahi hua hai. na koyi School college ya hospital kuch bhi nahi.
Delhi ke sabiq BJP sadar Goel ne mazeed kaha ke pani aur bijli se mutaliq muft samaan diye ja rahay hain. agar muft dena hai to yeh aam aadmi party ke funds se dena chahiye, logon se tax leker inhen muft dena yeh kaam nahi hai.
Yeh poochay jane par ke kiya 15 saloun taq Delhi mein Bar-sir Iqtidaar rahen Sheila Dixit behtar wazeer-e-aala theen, Goel ne kaha ke agar mawazna karen to sheil dixit, Arvind Kejirwal se behtar wazeer-e-aala theen.
Goel ne kaha ke ”aam aadmi party aur is ki hukoomat ka kehna hai ke shehar mein pani muft hai, lekin logon ko pani bilkul nahi mil raha hai, ya kharab pani hai. 7 laakh moujooda connection ko pani nahi mil raha hai. bijli ke bill badh kar arhay hain, jabkay woh pani wo bijli muft ki baatein karkay awam ko be-waqoof bana rahay hain.
Goel ne kaha ke’ Aam Aadmi Party ke kayi arkaan-e-assembly bad-unwani mein mulawis hain, bohat se logon ne party chodh di hai. aur party Kejriwal ke matehat nahi hai. Goel ne yeh bhi kaha ke Kejriwal apni vote bank ki siyasat ko mazeed agay badhaane ke liye aalanat par aalanat kar rahay hain, jin par amal karne mein nakaam honge. –YTN STAFF