Hyderabad: Shehar Hyderabad mein guzashta dinon huvi taiz tareen barish se Shehar ki sadkain ab konvon mein tabdeel hugaye hukkaam aur seyasi leaders ke kayi ek buland-o-bangh dawoon ki pol khol di hai. Ek janib hukkaam ne lockdown ke douran awam ko yeh tasalii dainay ki koshish ki thi ke pabandion ki wajah se jahan sadkain Traffic se khaali hochuki hai to unhoun ne is mauqa ko ghanemat samajh kar shehron mein sadkon ke jaal ko behtar banaya hai lekin guzashta mosla dhaar barish ne shehar ki kayi ek sadkain konvon mein tabdeel hui hain kyunkay ahem raastoon par baday baday gadhay pad chuke hain jis ki taaza tareen misaal Jubilee Hills ka haadsa hai.
Jubilee Hills ki markazi sadak ka ek hissa guzashta rooz sah pehar mein dhair ho gaya jis ki wajah se sadak par ek bada gadha pad gaya halaank is se koi nakhushgawaar waqea pesh nahi aaya, Taham, Kuch waqt ke liye traffic rukh gayi. Yeh waqea Road number 10 Jubilee Hills se Jubilee Hills Check Post ki taraf markazi sadak par Garments ke showroom ke samnay pesh aaya, Jis se hukkaam ko ek Barred laganay par majboor hona pada.
Truck driver ne jo is rastay mein araha tha is ne Gaping hole ko dekha aur taizi se gaadi ko moud diya jis se woh agay badhatay hue ek Road Median se takra gaya. Is waqeye mein koi zakhmi nahi huwa. Jubilee Hills police ne mauqa par pahonch kar traffic ko qaboo mein kiya.
Greater Hyderabad Municipal Corporation ( GHMC ) aur Hyderabad Metro Politian Water Supply and Sewerage Board ( HMWSSB ) ke ohdedaron ne jaye wuqoo ka muaina kiya hai aur shoba kiya hai ke zair aabb tufaan pani ki naali ko nuqsaan pouncha hai jis ke nateejay mein, Pipeline se pani nikal gaya aur is ke nateejay mein sadak par yeh waqea runuma huwa hai. Hukkaam ne kaha hai ke woh jald hi murammat ka kaam shuru kar dein ge.