Hyderabad : Commissionaire of Police Anjani kumar ne itwaar ko kaha ke shehar ki mashhoor numayesh telangana Saqafat aur virsay ki alamat hai. unhoun ne kaha ke Kashmir se kanya kamari tak kisi bhi qisam ki masnoaat shehar ki numayesh mein payi jati hain. Anjani kumar ne media numaindon se khitaab karte hue kaha ke yeh numayesh 2 January 2020 se shuru hogi aur 45 din tak jaari rahegi.
Unhon ne yeh bhi kaha ke numayesh ground mein kisi bhi na Khushgawar waqeye se bachney ke liye numayesh society neh bhi kuch iqdamaat kiye hain. aag se bachao ke liye bhi iqdamaat kiye gaye hain. unhon neh numayesh mein daidh laakh letter pani zakheera karne ke liye mutaliqa ohdedaron ka ijlaas bhi talabb kya hai. unhon neh kaha ke 25 decemeber se numayesh ground mein security ko mazeed sakht kar diya jayega aur woh kisi na Khushgawar vaqiye se bachney ke liye 24 ghantay nigrani karenge.