Sharjah: Coronavirus ke jald khatam ho jane ke ta haal koi assaar nazar nahi aa rahay is liye mustaqbil qareeb mein Cinema gharoun ke dobarah khulnay ka bhi koi imkaan nahi lekin cinema mein film beeni ke shoqeen afraad jo is sorat e haal se shadeed pareshani ka shikaar hain ab jald hi ek munfarid Theater mein apna ye shoq poora kar sakenge.
Tafseelaat ke mutabiq Sharjah mein ek aisa Theatre khulnay ja raha hai jis mein film aram se apni gaadi mein baith kar film se mahzooz ho saken ge. Ye naya cinema yakam July ko Sharjah ke naye tafrehi maqam Madaar mein khuil raha hai aur Urban entertainment ke ishtiraaq se lanch kiya ja raha hai jo Outdoor screening ka ineqad karne wali Dubai ki company hai. Is Cinema mein raat ko 8 bajey film dikhayi jayengi. UAE mai coronavirus ki waba ke pesh e nazar ye dusra Drive in Cinema mutarif hune jaraha hai. Is se qabal guzashta haftay Walks Cinema ne bhi Dubai ke Malls of Emirates mein Drive in Theatre muta-arif karne ka elaan kiya tha. –YTN STAFF